मोरया

 डोस्क्याला शॉट

'पुढच्या वर्षी लवकर या' ह्या बेंबीच्या देठापासून मारलेल्या हाळीला सिरीयसली घेऊन बाप्पा 🙏🏽घरोघरी आणि सार्वजनिक मंडपात उद्या विराजमान होत आहेत. महाराष्ट्र आणि आता देशविदेशात या उत्सवाने समाजमनाला आध्यत्मिक भुरळ घातली आहे. या बाप्पाने आपल्या लोभस रूपाने धर्म, जाती आणि आर्थिक दरी यावर मात करून सर्व सीमा ओलांडल्या आहेत. अगदी कोवळ्या जीवापासून ते वृद्धापर्यंत सर्वाना तो आपला वाटतो. त्याच्या प्रभावाखाली सर्व एकत्र येतात. भेदाभेद विसरतात. हेच या उत्सवाचं यश आहे.
स्वातंत्र्यपूर्व काळात हेच वलंय बाळ गंगाधर टिळकांनी ओळखत त्याला राजकीय, वैचारिक आणि संस्कृतीक अधिष्ठानाचं स्वरूप दिलं. त्यातूनच पुढे भारतीय स्वातंत्र्याचा इतिहास रचला गेला. त्यामुळे या उत्सवाचं महत्व अधोरेखित होतंय.

पण...

असो, आता पण नको.
खूप खूप आनंदाने आणि समाधानाने बाप्पाचं स्वागत करूया..
बोला 'गणपती बाप्पा मोरया'🙏🏽

गोष्ट लहान आहे पण डोस्क्याला शॉट आहे
विचार करा हवं तर नाहीतर सोडून द्या 🤔

आनंद वेदपाठक