चिंतन

 डोस्क्याला शॉट

देहू आणि आळंदी, दोन असामान्य आत्म्यांचे कायमचे विसावलेले पवित्र स्थळ. दोघे संत महा आत्मे, प्रचंड विद्वान, सामाजिक विचार प्रवाह बदलण्याचे सामर्थ्य असलेले लेखक, अध्यात्मिक प्रवाहाचे ऊर्जा स्तोत्र आणि बरंच काही..

असे हे आत्मे जिथे अंतर्धान पावले, नव्हे अजरामर झाले अशा पवित्र स्थळी काल भेट दिली आणि अंतरंगी भरून पावलो..

तिथं माथा टेकून मनोमनी कृतज्ञता व्यक्त केली. मनात विचार आला इतकं काय सामर्थ्य आहे या व्यक्तिमत्वात, ज्यांच्या जाण्यानंतर शेकडो वर्ष उलटली तरी समाजावर त्यांची मोहिनी अबाधित आहे.

संत ज्ञानेश्वर आणि संत तुकाराम हे दोन्ही (त्याकाळी) उपेक्षित समाजाचे होते. त्यांनी कुठेही प्राकृत भाषेचे रीतसर शिक्षण घेतलं नव्हतं. दोघांनाही सवर्णांच्या रोशाचा सामना करावा लागला होता. दोघेही त्यावेळच्या रूढी परंपरेच्या विरोधात लढले होते. आणि सर्वात महत्वाच म्हणजे दोघेही ऐन उमेदीत सदेह अंतर्धान पावले. ज्ञानेश्वरांनी संजीवन समाधी घेतली तर तुकोबा सदेह वैकुंठवासी झाले.

दोघांनीही मराठी भाषेला आपल्या लेखणीतून समृद्ध केलं. ज्ञानेश्वरांनी भगवंताची गीता सोप्या मराठीतून समाजाला समजावी म्हणून ज्ञानेश्वरी हा अजरामर ग्रन्थ लिहिला, जो आजही समाजाला प्रेरणादायी आहे. तुकोबां गाथा लिहून असंख्य भजनाने मराठी समृद्ध केली.

या सर्वांच सार एकच, कष्टातूनच व्यक्तिमत्व घडते. अंगच्या गुणांना तुम्हाला घडवावे लागते त्याचवेळी तुमचे विचार खरे मानले जातात.

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

अभिजात

 डोस्क्याला शॉट

अभिजात याचा अर्थ श्रेष्ठ, वैशिष्टपूर्ण असा. या शब्दाची प्रचिती हल्लीच नरसोबाची वाडी येथे आली. मंदिरात सकाळीच पोहोचलो. फारशी गर्दी नव्हती. अतिशय छान दर्शन मिळालं. समाधान लाभलं. संगमाच्या काठाशी थोडावेळ बसलो. आजूबाजूचा परिसर पालथा घातला. कौटुंबिक भेट असल्यामुळे सोबत पाहुणे मंडळी होती. सगळं करताना बारा वाजून गेले. भुकेची वेळ होती म्हणून प्रसिद्ध सोमण भोजनालय येथे थडकलो. थोडी गर्दी होती पण पंधरा मिनिटात नंबर लागला. इथं एकशे सत्तर रुपयात अनलिमिटेड पोटभर जेवण मिळते. अतिशय रुचकर. बासुंदी तर फारच सुंदर.जेवण वाढणाऱ्या महिलांचा इतका आग्रह की आपण नक्की भोजनालयात आलोय की घरीच जेवतोय असा प्रश्न पडावा.

असो. हा अनुभव खूप जणांनी घेतला असावा. अभिजात हा मूळ मुद्दा होता. तर जेवण झाल्यावर तिथेच मिळालेले रुचकर पान चघळत बाहेर पडलो. बाहेर पडलो त्यावेळी जेवणाऱ्यांची रांग फारच लांबवर गेली होती. थोडं पुढे आल्यावर तिथे सोमण नावाची आणखी चार हॉटेल. कुणी एस के सोमण तर कोणी आमका तमका सोमण. एक तर झाडाखालचे सोमण असे अनेक सोमण आणि त्यांच्या भोजनालयांची गर्दी तिथे झाली आहे. मी न राहून तिथे चौकशी केली की, यातले मूळ सोमण खानावळ कोणती. त्यावेळी कळलं की मी जिथे जेवलो तेच मूळ अभिजात सोमण. बाकी सर्व त्यांच्या नावाचा वापर करून उभी राहिलेली बुजगावणी. म्हणूनच मूळ सोमणानां शोधत लोक रांग लावून जेवत होते तर बाकीच्या सोमणना बाहेर उभं राहून गिऱ्हाईकांना बोलवावं लागतं होतं. इथे अभिजात म्हणजे काय ते कळत.

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

शिवराय

 डोस्क्याला शॉट

शिवाजी हा विश्वात्मा होऊन गेला. त्याच्या कीर्तीचे, शौर्याचे बहादुरीचे पोवाडे अनंतकाळ गायले जातील. सोळाव्या शतकात जन्मलेल्या शिवाजी महाराजांची कारकीर्द केवळ जेमतेम पन्नास वर्षाची पण या पन्नास वर्षात त्यांनी दिलेली शकवणूक ही समस्त मानवजातीला दीपस्तंभासारखी मार्गदर्शन करीत राहील.

या काळी भारतात प्रिंटिंगचे तंत्रज्ञान विकसित नव्हतं. पण याच काळात भारतात निरनिराळ्या कारणास्तव आलेल्या परदेशी लोकांनी त्यांच्याबद्दल भरपूर लिहून ठेवलं आहे. महाराजांनी सुरत लुटली याची त्याकाळी इंग्रजी वृत्तपत्राची हेडलाईन झाली होती. या शिवाय शिवाजी महाराज हे एक आश्चर्यकारक व्यक्तिमत्व आहे. ते अदृश्य होऊ शकतात, हवेत पक्षासारखं उडू शकतात, ते एकाच वेळी अनेक लढाया करू शकतात, ते कधीच झोपत नाहीत अशा अनेक अख्यायिका त्यावेळी शत्रूपक्षात पसरलेल्या होत्या. आणि महाराजांनी त्या मुद्दाम पसरवल्या होत्या त्यामुळे लढाईत शत्रू लढाई सुरु होण्याआधीच गर्भगळीत व्हायचा. याचे लेखी पुरावे परदेशीं लोकांनी लिहून ठेवलेले आढळतात.

महाराजांचे आपल्या स्वराज्याकडे अतिशय बारीक लक्ष असायचे. ते आपल्या गुप्तहेरांना व त्यांच्या संसाराला अतिशय जपत. त्यांना खूप चांगले पैसे देत. जेणेकरून गुप्तहेर शत्रूची माहिती अचूकपणे द्यावेत, त्यांना आपल्या संसाराची काळजी नसावी.

ही आणि अशी अनेक माहिती शिवाजी महाराजांचा अभ्यास करताना मिळते.

गीतेचा अभ्यास करताना जसं गीता प्रत्येकवेळी नवीन भासते त्याप्रमाणे महाराजांच्या अभ्यास करताना महाराज प्रत्येकवेळी अधिक महान वाटतात.

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

एक दुजे

 डोस्क्याला शॉट

मुलगा सून तिकडे स्थायिक झाल्यावर देशपांडे काका आणि काकू यांचे आयुष्य अगदी मजेत होते. पैपाहूणे येत होते जात होते. हेही दोघे बरीचशी तीर्थक्षेत्र फिरून येत होते.

हळूहळू शरीर थकू लागलं. गात्रं शिथिल होऊ लागली. आता दोघांची एकमेकांना साथ अधिक महत्वाची होती. डॉ कडे जावून चेकअप वैगरे रेग्युलर सुरु असायचं. दोघांच्या गोळ्या घ्यायच्या वेळा एकच त्यामुळे साधारणपणे दोघे एकाच वेळी आपल्या गोळ्यांच्या पेट्या उघडून बसत आणि आपापल्या गोळ्या घेत.

एकदा काकू नाश्ता झाल्यावर थोड्या झोपून राहिल्या, त्यांना थोडं दमल्या सारखं वाटत होतं. काकांनी एकदा तिला हाक मारून पाहिलं तस त्या म्हणाल्या तुम्ही घ्या तुमची औषधं, मी थोड्यावेळाने घेईन. आणि इथेच गम्मत झाली.काकांनी चुकून काकूंचा डबा उघडला. गोळ्या घेतल्या.पेपर वाचत बसले. पेपर तरी किती वाचणार म्हणून मग तेही जावून पडले आणि त्यांना गाढ झोप लागली.

थोड्यावेळाने काकू उठल्या. आता त्यांना फ्रेश वाटत होतं. गोळ्या घ्यायच्यात हे त्यांच्या डोक्यात होतच. धडपडत त्यांनी गोळ्यांचा डबा पाहिला तर तो हॉलमध्ये आलेला. झालं, त्यांना झाला प्रकार लगेच लक्षात आला. त्या खूपच घाबरल्या, कशी बाई मला मेलीला झोप लागली, आणि घोटाळा झाला असं म्हणत त्या काका झोपले होते तिथे गेल्या. काका गाढ झोपले होते. त्या आणखीनच घाबरल्या. घाईघाईत त्या काकांना उठवू लागल्या. काका बिचारे थोड्याच वेळात घाबरून उठले. झालेला प्रकार काकूंनी त्यांना सांगितला. आणि चला पहिल्यांदा डॉ कडे जाऊ म्हणून त्यांनी काकांच्या पाठीशी तगादा लावला. काकांना तस काही वेगळं वाटत नव्हतं पण तेही थोडे घाबरलेच होते. डॉ नां फोन केला आणि त्यांना लागलीच गाठलं.

झालेला प्रकार सांगितल्यावर डॉ हसतच सुटले. काका काकूंना त्यांच्या हसण्याचा काही अर्थबोध होईना. डॉ हसतच म्हणाले चला काका तुम्हाला चेक करूया. डॉ नी काकांना व्यवस्थित चेक केले. म्हणाले, उठा, ठणठणीत आहात. काही झालं नाही तुम्हाला आणि होणारही नाही.

असं का, त्या दोघांनीही एकदमच डॉ ना प्रश्न केला.

कारण तुम्हां दोघांना कमीअधिक फरकानं औषधं सारखीच आहेत. कारण तुम्ही आहात 'एक दुजे के लिए'

आता मात्र तिघेही हसत सुटले.

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

आनंद

 डोस्क्याला शॉट

आनंद हा चित्रपट प्रचंड गाजला तो त्याच्या सर्वांग सुंदरतेमुळे अभिनय, दिग्दर्शन, बेस्ट स्टोरी, गाणी, संगीत इत्यादी सर्व बाजूने चित्रपट सुंदर होता. म्हणूनच तो आजही रसिकांना पहावासा वाटतो.

पण याची एक गोष्ट हल्लीच ऐकायला मिळाली. चित्रपटाचे दिग्दर्शक ऋषिकेश मुखर्जी यांनी आनंदच्या भूमिकेसाठी राज कपूरला घ्यायचं ठरवलं होतं. परंतु राज कपूर खूपच बिझी होते. त्यांच्याकडे शूटिंगसाठी डेट्स नव्हत्या. म्हणून ऋषिदानी त्या चित्रपटाचा प्लॅन पुढे ढकलायचं ठरवलं होतं. त्याबाबत त्यांनी गुलझार यांच्याशी चर्चाही केली होती.

पुढे गुलझार आणि राजेश खन्ना यांची काही निमित्ताने भेट झाली. तिथे गुलझार यांनी राजेश खन्ना यांना सांगितलं की ऋषींदांकडे एक सुंदर स्टोरी आहे. तुला जमेल का बघ. त्यावेळी राजेश खन्ना रोमँटिक हिरोच्या भूमिकेत अडकला होता, तसा त्याच्यावर स्टॅम्प पडलाही होता. त्याला त्यातून बाहेर पडायचं होतं. गुलझार सुचवणार म्हणजे बेस्टच असणार हे त्यानं ओळखलं आणि तडक जावून स्टोरी ऐकली. आनंदची भूमिका त्याला एव्हडी आवडली की त्याने ऋषीदाना गळच घातली की ही भूमिका मीच करणार. ऋषिकेश मुखर्जी यांना त्याची बिदागी, त्याचा बडेजाव इत्यादी परवडणारं नव्हतं. पण राजेश खन्ना हट्टालाच पेटला. सरते शेवटी ऋषींदानी त्याच्या समोर काही अटी ठेवल्या. त्यातल्या काही अटी अशा. बिदागी केवळ एक लाख रुपये मिळेल (1971चा चित्रपट), शूटिंगला वेळेवर सेटवर यायला पाहिजे. हेच हवं आणि तेच हवं हे नखरे चालणार नाही, सलग तारखा ठेवूनच त्यात शूटिंग पूर्ण करायचं. अर्थात या सर्व अटी राजेश खन्नाने मान्य केल्या कारण त्याला पक्क माहिती होतं की यापुढे घडणार तो इतिहास असेल.

आणि झालंही तसच, आनंद राजेश खन्नाच्या कारकिर्दीतला माईल स्टोन ठरला.

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

वेळ आणि संयम

 डोस्क्याला शॉट

'वेळ' या संकल्पनेचं महत्व सांगणाऱ्या दोन घटना दोन दिवसात घडल्या आणि वेळेला पण वेळ दिला पाहिजे हा विचार अधिकच घट्ट झाला.

शनिवारी दिल्लीचा निवडणुकीचा निकाल आला आणि तिथे बत्तीस वर्षांनी भाजपाची सत्ता आली. तिथे सामान्यांचा पक्ष म्हणून उदयास आलेला आप हा पक्ष पुरता गारद झाला. त्याला दहा वर्ष लागली. सुरवातीच्या काळात सामान्यांप्रमाणे वागणारे त्यांचे नेते हायफाय राजकारणी झाले आणि सराईतपणे भूलथापा मारण्याच्या आहारी गेले. भाजप हा पक्ष वाट पाहून अचूक खेळी करणारा पक्ष त्यामुळे त्यांनी वेळेची वाट पाहिली तसेच मतदारांनी सुद्धा वेळेची वाट पाहिली आणि दोघांनीही करिष्मा केला. तो वार इतका प्रभावी बसला की त्या पक्षाचे सर्वेसर्वा आणि इतर नेते धारातीर्थी पडले. इथे वेळ आणि संयम दोन्ही महत्वाचे.

दुसरं उदाहरण म्हणजे आपला हिट मॅन रोहित. त्याच्या बॅटने उगाच रुसवा धरला होता. धावाच होत नव्हत्या. याची सल रोहित प्रमाणे क्रिकेट रसिकांनाही होती. रोहितने इथेही वेळेला पुरेसा वेळ दिला आणि कालच्या मॅचमध्ये शानदार शतक ठोकलं. त्याने स्वतःला वेळ दिला. संयम ठेवला. विचलित न होता खेळ सुरु ठेवला. आपल्याला काय करायचंय यावर फोकस ठेवला.

तात्पर्य काय तर वेळेलाही वेळ द्यावा लागतो. चांगलं घडण्यासाठी वेळ यावी लागते, संयम धरावा लागतो कारण वेळ आणि संयम हे नेहमीच हातात हात घालून फिरत असतात.

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

निग्रह

 डोस्क्याला शॉट

हल्लीच पुणे येथे झालेली भारतरत्न सचिनची मुलाखत youtube वर पाहिली. सचिनचं मोठेपण यात आहे की तो इतका महान असला तरी तो समस्त भारतीयांसाठी 'तो' सचिन आहे इतकं प्रेम आपण त्याच्यावर करतो. असो.

तर त्या मुलाखतीत त्यानं सांगितलेला किस्सा खूप अभ्यासपूर्ण वाटला. तो म्हणाला की, कव्हर ड्राइवचा शॉट मारताना तो सातत्याने आउट होत होता. सिडनी येथे असाच फटका मारताना तो आऊट झाला. अगदी शतकाच्या उंबरठ्यावर असताना. त्याला ते फार जिव्हारी लागलं. त्यानं रात्री त्याचा मोठा भाऊ अजितशी चर्चा केली. त्यावर अजित म्हणाला की, तुला कोणताही बॉलर आऊट करत नाही तर तुझा मोह तुला आऊट करतोय. ऑस्ट्रेलियाच्या खेळाडूंनी हे ओळखलं आहे म्हणून ते तुला कव्हर ड्राईव्हसाठीच बॉलिंग करत आहेत.

सचिननं मग पुढील खेळीत अगदी निक्षुण ठरवलं आणि त्यानं काही केल्या तो शॉट खेळला नाही. अगदी तो प्रत्येक बॉल पडताना मनाला सांगत होता की, कव्हर ड्राईव्ह मारायचा नाही. परिणामी गोलंदाज दमले. त्यांचं मनोबल ढेपाळलं. मग सचिन मनसोक्त खेळला आणि.....

पुढे त्यानं सेंचुरी मारली हे सांगायला पाहिजे का...

आपल्याला योग्य मार्गदर्शन करणारा गुरु हवाच मग तो कोणाच्याही रूपात असो. त्याचं म्हणणं ऐका, आपल्या मनाचा निग्रह करा. मनोबल उंचवा मग पहा आकाश आपलंच आहे..

मनसोक्त संचार करा.. क्रिकेटच्या देवाने केला तसा...

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

संकल्प

 डोस्क्याला शॉट

पगारातून निमूटपणे आयकर कपात करून देतात ते म्हणजे मध्यमवर्गीय अशी मध्यमवर्गीयांची ढोबळ व्याख्या सरकारने केली आहे. यंदाच्या अर्थसंकल्पात त्यांच्यासाठी भरघोस केल्याचा दावा सरकारने केला आहे आणि काही अंशी ते बरोबर आहे. मागील अनेक वर्ष (सरकार कोणाचही असो) प्रत्येक अर्थसंकल्पात आणि सरकारी धोरणात किती वेळा कितीतरी कराबाबत क्लुप्त्या वापरल्या आणि विविध प्रकारचे कर आणले. जिएसटी म्हणजे 'एक राष्ट्र एक कर' नावाची संकल्पना आणली आणि सरसकट जिएसटी लावला गेला. अरे, हॉटेलमध्ये आपल्याच पैशानी खातानासुद्धा कर द्यायचा? हे म्हणजे अतिच झालं. शेवटी असं वाटू लागलं की, चालायचा पण कर द्यायचा की काय किंवा श्वास घेतो त्याचाही कर द्यायचा की काय. त्या प्रमाणात महागाई मात्र वाढतीयच, त्याच काय? नाही म्हणजे, दुखणं काय आहे की, मध्यमवर्गाच्या खिशात मिळेल तिथून हात घालून मिळेल तेव्हडी रक्कम काढून घेतली गेली. वर काय तर आपण आयकर देतो म्हणजे देश उभारणीच्या कार्यात महत्वाचा वाटा उचलतो, म्हणजे हे देशकार्य आपण करतो अशी जाहिरात केली गेली. ठीक आहे यंदा थोडीशी राहत मिळाली, पण.....

पण यातून महागाई कमी होणार आहे का. आर्थिक बाबतीत चाललेली लूट थांबणार आहे का.

मध्यमवर्गीयानी मोकळा श्वास कधी घ्यायचा आणि आपली अगदी छोटी छोटी स्वप्नं कधी पूर्ण करायची की घुसमटलेल्या श्वासातच शेवटचा श्वास संपवायचा.

(अनेक प्रॉब्लेम, पण उत्तर मिळत नाही... यालाच मध्यमवर्गीय म्हणतात 😄)

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

हिरो

 डोस्क्याला शॉट

बिछड़े अभी तो हम कल परसों / जिऊंगी मैं कैसे इस हाल में बरसों / मौत ना आई तेरी याद क्यों आई / हाय लम्बी जुदाई / चार दिनों का प्यार हो रब्बा / बड़ी लम्बी जुदाई, लम्बी जुदाई /

हिरो या प्रचंड गजलेल्या 1983 च्या चित्रपटातील हे गजलेलं गाणं. रेश्मा या पाकिस्तानी गायीकेन गायलेलं हे गाणं. तीचा जन्म राजस्थान मधला पण फाळणी नंतर त्यांचे कुटुंबीय पाकिस्तान मध्ये स्थायिक झाले. रेश्माचा विशिष्ट आवाज आणि गायकी ही लोककलेला साजिशी. तिने अनेक लोकगीतं गायली. तिच्या कुठल्याशा कारेक्रमात हिरो चित्रपटाचे प्रोड्यूसर, दिग्दर्शक सुभाष घई यांनी तिचं गाणं ऐकलं आणि त्याच वेळी त्यांना लंबी जुदाई या गाण्यासाठी अशीच गायिका हवी होती. त्यांनी तिथेच रेश्माला गाठलं आणि गाणं गाण्यासाठी सांगितलं पण तिनं स्पष्ट सांगितलं की मी मोकळ्या जागेत गाणारी गायिका आहे मला स्टुडिओ मध्ये रेकॉर्डिंग करणं शक्य नाही. घई यांनी तिला रेकॉर्डिंग स्टुडिओ मध्ये नेणार नाही याचा शब्द दिला. त्याप्रमाणे हे गाणं मोकळ्या जागेत रेकॉर्ड झालं. रेश्माचा पहाडी आवाज आणि आर्त स्वर यामुळे या गीतातील गहराई अधिक गडद होतीय. त्यात घई यांच्यासारख्या कसबी दिग्दर्शकाने हे गाणं चित्रपटात असं काही प्रेझेंट केलंय की त्यामुळे चित्रपटाची उंची अधिकच वाढली. पुढे रेश्मा या गुणी गायिकेनी भारत आणि पाकिस्तान यासाठी प्रचंड गाणी गायली. अनेक पुरस्कार मिळवले पण या गुणी गायिकेचा मृत्यू 2013 मध्ये घशाच्या कर्करोगाने झाला ही नियतीची क्रूर थट्टा.

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

ज्ञानेश्वर

 डोस्क्याला शॉट

काल डॉ कडे गेलो होतो. दवाखान्याच्या बाहेर त्यांनी प्रसन्न वातावरण ठेवलंय. विशेष बाब म्हणजे तिथे एका कोपऱ्यात स्पीकरवर मंद श्लोक पठण सुरु होतं. मी माझा नंबर कधी येणार याची वाट पहात होतो. आणखीही पेशंट वाट पहात होते. माझ्या कानावर श्लोक पठण पडत होतं ते मी कान देऊन ऐकलं तर समजलं की ते भगवत गीतेच्या श्लोकाच पठण सुरु होतं. मी काही वेळ ते ऐकत राहिलो पण काही बोध होईना. मग रिशेपनीस्ट होती त्या मुलीला विचारलं तर तीही म्हणाली ही भगवत गीता आहे. डॉक्टर आले की सुरु करतात. मलाही काही समजत नाही पण ऐकत रहाते. आता सवय झाली. हे ऐकून मी मंद हसलो. मनात विचार आला.

मूळ भगवद्गीता महर्षी वेदव्यास यांनी लिहिली ती किती बोजड होती ना, जी समजण्यास खरंच कठीण होतं. हेच ज्ञानेश्वर महाराजांनी जाणलं आणि ती सोपी करून जनमानसाला समजेल आशा सोप्या भाषेत लिहिली तोच आद्य मराठीतील मूळ ग्रंथ 'ज्ञानेश्वरी'. मराठी साहित्य संमेलनात याच आद्य ग्रंथाला पालखीत मिरवीत ग्रंथ दिंडी काढली जाते. इतका मान आपण त्याला देतो. पण विचार करण्यासारखी गोष्ट म्हणजे मूळ संस्कृत भाषेत लिहिलेली गीता महान संत ज्ञानेश्वरांनी सोप्या भाषेत लिहिली आणि ती लोकांपर्यंत आणली याचाच अर्थ त्या लहान वयात ज्ञानेश्वर महाराजांची विद्वता किती प्रचंड होती.

(घरोघरी ज्ञानेश्वर जन्मावेत हेच ईश्वर चरणी मागणे)

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

दुसरी नापास

डोस्क्याला शॉट

चिंतेत टाकणारी बातमी वाचली. अन्युअल स्टेटस ऑफ एज्यूकेशन रिपोर्ट अर्थात असर या संस्थेचा अहवाल प्रसिद्ध झाला. महाराष्ट्रातील ग्रामीण भागातील आठवीत शिकणाऱ्या पंचवीस टक्के विद्यार्थ्यांना इयत्ता दुसरीत शिकवण्यात येणाऱ्या पुस्तकातील उतारा वाचणे जमले नाही. आठवीतीलच चाळीस टक्के विद्यार्थ्यांना वजाबाकी व भागाकार जमला नाही. आहे की नाही धक्कादायक.

हा अहवाल खूप मोठा आणि सखोल आहे तेव्हडाच तो धक्कादायक आहे. हे असं का घडलं तर त्याचं उत्तरही मिळतंय. गम्मत आहे.

सुमारे त्रेसष्ठ टक्के विद्यार्थी शैक्षणिक कामासाठी स्मार्ट फोन वापरतात तर बहात्तर टक्के विद्यार्थी सोशल मीडियावर गंम्मत पाहण्यासाठी आपला स्मार्ट फोन वापरतात.

आता ठरवा तुम्हीच

 आपल्या लाडक्या बाळांच्या हातात आपला लाडका मोबाईल कधी द्यायचा ते....

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

फसवेगिरी

 डोस्क्याला शॉट

तुम्ही टीव्ही पहात असालच ना. मीही पाहतो. तसं टीव्ही कुणाला वर्ज्य नाही.

मी परवा जरा बारकाईने पाहिला म्हणून हे..

कुठल्याही चॅनेलवर प्रोग्राम कमी आणि जाहिराती जास्त असाच कारेक्रम असतो. आणि त्याच त्या जाहिराती पाहून आपण त्याकडे दुर्लक्ष करतो.

पण परवा सहजच या जाहिराती जरा बारकाईने पाहील्या. तर एक गोष्ट लक्षात आली ती म्हणजे प्रत्येक जाहिराती मध्ये अगदी बारीक अक्षरात काहीतरी लिहिलेलं असतं. म्हणजे सिगारेटच्या पाकिटावर लिहिलेलं असतं ना की धूम्रपान आरोग्यास हानिकारक आहे म्हणून अगदी तसं..

तर एक प्रोटीनची जाहिरात होती. एक मुलगा खेळायला बाहेर धावत जात असतो तर त्याला त्याची आई प्रोटीन प्यायची आठवण करते. तो लगेच आत येऊन कप तोंडाला लावतो आणि प्रोटीन पिऊन खेळायला जातो. मग काय, त्याला सॉलिड एनर्जी येते..

आता गम्मत म्हणजे ही जाहिरात सुरु असताना मला खाली काहीतरी लिहिलेलं आढळलं. मग परत ती जाहिरात येई पर्यंत वाट पहिली आणि त्याचा फोटो काढला आणि तो झूम करून त्यावरची वाक्य वाचली तर त्यावर लिहिलं होतं. हे पेय रिकाम्या पोटी घेऊ नका तर ते संपूर्ण आहारात एक्सट्रा एनर्जी म्हणून घेतलं पाहिजे..

आता हे वाक्य किती महत्वाचं आहे आणि तेच किती बारीक अक्षरात लिहिलं आहे पहा..

मग मला प्रत्येक जाहिरातीत असं काही लिहिलं आहे ते वाचण्याचा जणू चाळाच लागला. बऱ्याच जाहिरातीत ही बारीक वाक्य वाचताच येत नाहीत अथवा ती भरकन निघून जातात, पण ती वाक्य खूप महत्वाची असतात.. आणि बहुतांश जाहिरातीत ही वाक्य असतातच...

पहा तुम्ही पण प्रयत्न करून

मगच कळेल तुम्हाला की या जाहिराती किती फसव्या आहेत ते..

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

चाकरमानी

डोस्क्याला शॉट

चार दिवस कोकणात रम्य वातावरणात होतो. येताना मित्राला चिपळूण स्टेशनवर मांडवी एक्सप्रेस पकडायची होती म्हणून सोडायला आलो आणि तासभर होतो. आताशा चिपळूण स्टेशनचा परिसर खूपच सुशोभीत केलाय. (स्टेशन आहे तसच आहे) भव्य प्रवेश, बाहेर गार्डन, पार्किंगची वेगळी सुविधा, गार्डनमध्ये विविध प्राणी, पक्षांचे पुतळे इत्यादी इत्यादी. छान वाटलं...

पण..

गार्डनच्या मध्यभागी एका कोकणी कुटुंबाचे पुतळे उभे केले आहेत. ही बाब मात्र अतिशय वेदना देणारी आहे.

कष्टकरी कोकणी माणूस, त्याच्या खांद्यावर भलामोठा फणस, त्याला सोबत करणारी त्याची बायको, तिच्याही डोक्यावर प्रचंड ओझ्याची पिशवी, दोघांचं बोट धरून चालणारी त्यांची मुलगा आणि मुलगी. त्यांच्या पायाशी आंब्याची पेटी. असं त्या पुतळ्याचं स्वरूप..

ज्या कुणी हे डिझाईन केलंय त्याच्या पायाची झेरॉक्स काढून त्याची पूजा प्रत्येक कोकणी माणसाने केली पाहिजे. कोकणातलं वैभव, तिथली निसर्ग संपदा, नव्याने उभे राहिलेले उद्योग, कोकण रेल्वे आणि रस्ते यामुळे गतिमान होत असलेला तिथला विकास, कोकणात भारलेलं पर्यटन. ह्या सर्व बाबी दुर्लक्षित करून कधीकाळी कष्टाने जीवन जगणारा कोकणी माणूस आता प्रगतीच्या गाडीत बसलाय आणि तोही आता मोठ्या लोकांशी स्पर्धा करू पहातोय. तिथल्या तरुणांना प्रगतीच्या नवनवीन वाटा आणि संधी खुणावतायत हे त्यांना दाखवावं का वाटलं नाही? इतकं का हे प्रशासन बुरसटलेल्या मेंदूचं आहे?

कोकणातलं वैभव ह्या कोकण रेल्वे प्रशासनाने दुर्लक्षित केलय आणि तोच तो कष्टकरी माणूस आणि त्याचं ते रडत खडत जगणारं कुटुंब हेच ह्यांच्या मनावर ठसलंय.

माझी समस्त महाराष्ट्रातील कोकणात विविध कारणांनी जाणाऱ्या मराठी माणसांना विनंती आहे की, त्यांनी चिपळूण स्टेशनवर प्रशासनाला निषेध नोंदवला पाहिजे..

समजतात काय हे लोक या देवभूमीला आणि इथल्या माणसांना..

कोकणाचा अपमान म्हणजे निसर्ग देवतेचा अपमान..

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

माणुसकी

डोस्क्याला शॉट

मुंबईहून नांदेडकडे जाणारी तपोवन एक्स्प्रेस शनिवारी सकाळी मनमाड जंक्शन स्थानक हद्दीत यार्डात शिरत असताना या रेल्वेतून प्रवास करणारा सरवर शेख हा तीस वर्षीय तरुण धावत्या गाडीतून खाली पडला. यामध्ये तो गंभीर जखमी झाला होता. ही घटना रेल्वे गार्ड एस. एस. कदम यांच्या लक्षात आली. त्यांनी लगेचच रेल्वेचालक एम. एम. आलम यांच्याशी संपर्क साधून घटनेची माहिती दिली. या दरम्यान गाडी मनमाड स्थानकाकडे एक दीड किमी पुढे आली होती. सदर प्रकार लक्षात आल्याने इतर प्रवाशांची एकच धावपळ उडाली. तरुण रेल्वेतून पडल्यानंतर सहप्रवाशांनीही आरडाओरड सुरू केली. रेल्वेचालकाने तातडीने रेल्वे मनमाड स्थानकात नेण्याऐवजी एक दीड किमी मागे, ज्या ठिकाणी घटना घडली त्याच्या आसपास नेऊन थांबवली. रेल्वे प्रवाशांच्या सहकार्याने जखमी सरवरला परत रेल्वेत घेतलं आणि मनमाड स्थानकात रेल्वे पोहोचल्यानंतर त्याला तातडीने उपजिल्हा रुग्णालयात दाखलही करण्यात आले. परंतु, गंभीर जखमी झाल्याने दुर्दैवाने सरवरच्या आयुष्याचा प्रवास कायमचा थांबला.

परंतु एक गोष्ट लक्षात येण्यासारखी आहे. आपण कुठेही असलो, काहीही काम करीत असलो तरी सोबत करते ती माणुसकी. रेल्वेचालक आलमने हीच माणुसकी दाखवली आणि नियमांची पर्वा न करता रेल्वे मागे घेतली.

त्याच्या या प्रयत्नांना यश यायला हवं होतं असं वाटून मन खिन्न झालं...

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200

फेरारी

डोस्क्याला शॉट

ऐकतीस डिसेंबरचं सेलिब्रेशन संपलं आणि नवीन वर्ष सुरु झालं. सरत्या वर्षाला निरोप द्यायला अनेकांनी पर्यटन स्थळं गाठली. आणि तिथे प्रचंड गर्दी झाली. रेवदंडा हे त्यापैकी एक पर्यटन स्थळ. तिथेही गर्दी झाली. त्यापैकी एक बडेबाप के नी अति उत्साह दाखवत करोडो रुपयांची फेरारी गाडी समुद्र किनाऱ्यावर आणली. लटांशी स्पर्धा करत हे वीर मज्जा करत होते. पण रोडवर अतिशय स्मूथ जाणाऱ्या या गाडीला वाळूचा अंदाज आला नाही आणि समुद्राच्या वाळूत तीची चाकं रुतली. या वीरांनी ते हलक्यात घेतलं. गाडी जोरात रेस केली पण झालं उलटंच ती बाहेर यायची सोडून अधिक खोल रूतत गेली. झालं....सगळे प्रयत्न फसले.

बघ्यांची गर्दी वाढली. पोरं टोरं जमा झाली. मज्जा करू लागली. फेरारी वाल्यांचं तोंडंच पाणी पळालं.

गावकरी जमा झाले. त्यांनी थोडे प्रयत्न केले पण व्यर्थ. शेवटी ठरलं. शिवा गाडीवाल्याला बोलावलं. तो आला तो चक्क त्याची बैलगाडी घेऊन. मग काय...

अहो, करोडो रुपयांची फेरारी गाडी शिवाच्या बैलांनी ओढून बाहेर काढली. आता बोला...

गोष्ट लहान आहे पण डोस्क्याला शॉट आहे 

विचार करा हवं तर नाहीतर सोडून द्या 🤔

आनंद वेदपाठक

8779129200